دوا ساز کمپنی کے گودام میں آگ لگنے سے لاکھوں کا نقصان

روڑکی کے بھگوان پور پوہانہ میں واقع دوا ساز کمپنی کے بالائی منزل پر واقع گودام میں آگ بھڑک اٹھی۔ آگ لگنے سے گودام میں رکھے گتے کے ڈبوں سمیت دیگر سامان جل گیا۔ آگ لگنے کی وجہ تاحال معلوم نہیں ہو سکی ہے۔ فی الحال آگ سے ہونے والے نقصان کا اندازہ لگایا جا رہا ہے۔ معلومات کے مطابق بھگوان پور تھانہ علاقہ کے پوہانہ میں اقبال پور روڈ پر ایکسا پیرنٹل ڈرگس کمپنی ہے۔ دوا ساز کمپنی کی اوپری منزل پر گتے کے ڈبوں کو رکھنے کے لیے گودام بنایا گیا ہے۔ بدھ کی دیر شام کمپنی کی بالائی منزل پر واقع گودام میں اچانک آگ بھڑک اٹھی۔ گودام سے آگ کے شعلے اور دھواں اٹھتا دیکھ کر ملازمین نے الارم بجایا جس کے بعد تمام ملازمین موقع پر پہنچ گئے اور آگ بجھانے کی کوششیں شروع کردیں۔